Terorismo ug VAT

Gitug-an ni Presidente Rodrigo Roa Duterte nga usa ka suicide bombing ang nahitabo sa Mt. Carmel Cathedral niadtong miaging Dominggo nga mikutlo og sobra sa 20 ka kinabuhi ug miangol sa laing dul-an usa ka gatos ka mga tawo.

Matud pa sa Presidente nga nakalusot ang suicide bomber sa mga nagbantay nga polis ug sundawo tungod kay usa kini ka babaye ug nagsab-ay pa og dako nga krusipiho sa iyang liog.

Tungod sa dako nga respito ngadto sa mga babaye nalutsan ang mga sundawo ug polis sa babaye nga suicide bomber.

Kinsa ba gud ang magtuo nga mahimo na nga suicide bomber ang babaye.

Kinahanglan nga makakuha og leksiyon ang mga sundawo ug polis sa nahitabong kaso sa pagpamomba ug dili na mokompiyansa.

Kinahanglan nga sa ilang pagbantay apilon usab ang mga babaye.

Dinhi sa Sugbo, gikinahanglan na nga apilon sa pagpakanaug sa mga sakyanang de pasaheroan ang mga babaye nga pasahero kun magpahigayon sila og checkpoint dili kay ang mga lalaki lamang nga pasahero.

Ang nahitabong pagpamomba sa Jolo gihimo taliwala sa gipatuman nga Comelec gun ban ug martial law.

Unsa man, maingon ba nato nga wala gihapoy silbi ang martial law ug gun ban didto sa isla sa Mindnao?

*  * *

Hapit na ta masukamod sa kabug-at sa atong gipas-an mugna sa pagsige ug saka sa prisyo sa mga produktong petrolyo mugna sa Value-Added Tax (VAT).

Tungod niini gisugyot ni Gobernador Imee Marcos ang pagwagtang sa hingpit sa VAT sa mga produktong petrolyo.

Lakip sa iyang pawagtangan sa VAT mao ang load sa mga cellular phones.

Maayo unta og paminawon sa gobyerno ang sugyot ni Governor Imee Marcos