Ang sayo nga senyales sa kanser (2)

*Grabeng kasakit ighuman o panahon magregla (menstruation) – Daghang babaye ang nakasinati na ini, nga segun sa ilang kompirmasyon, sintomas kini sa breast kanser kun kada panahong magregla kanunay makahilak sila sa kasakit.

Busa sa sayo nga senyales,  maayo magpatsek-ap ka na sa doktor.

* Mga lusay (lymph nodes) – Murag ni’g mga bugol ang lusay nga mahinol naglinya o nagtapok sa may liog, sa ilok ug sa apapangig. Mao ni ang indikasyon sa pagbag-o sa lymphatic system nga mahimong senyales usab sa kanser. Nga ang pasyente sa kanser sa baga, makasinqati nga nanghubag ang baga, butlog-butlog ug pamula sa nawong.

Ang gagmay nga tumor sa baga, sagad makabara sa agianan sa dugo sa dughan, nga masanta ang sirkulasyon sa ulo ug sa nawong.

Daghang tipo (type) ang kanser, sama sa melanoma, basocellular, ug planocellular carcinoma, kansang magbinantayon gayud kita nga hain niini, dili kini makagamot sa pagtubo sa lawas. Kay usa ka selyula lay motubo dali ra ni makasanay.

*Ang katambok dapit sa tiyan – Mga babaye nga adunay ovarian kanser, matud nila, kalit lang kini nitumaw. Ang kibot nga magdugo o ang dugo nga molama sa hugaw, sagad senyales kini sa colorectal cancer. Ang pamikog sa estomago, mahimong indikasyon sa colon kanser.

*Walay gana sa pagkaon – Bisag ginagmay lang ang kaonon, kanunay mosakit ang tiyan, nga mahimo sab nga senyales kini sa ovarian cancer.  Ang panakit nga carcinoma o estomago, senyales kini sa leukemia o cancer sa dugo, gumikan sa nanghubag nga glandulang pale(spleen).

Ang kalisud sa pagtulon, nga mosakit ang tutonlan, mahimo nga sayo kining senyales sa kanser sa tutonlan ug sa baga.