Ang duha ka matang sa panginahanglan

Adunay panginahanglang lawasnon ug kasagaran mao ang atong gipangita apan dunay panginahanglang espirituhanon nga kasagaran pakyas kita sa pagpangita niini.

Dunay mga higayon nga busog kita sa mga butang materyal apan padayong haw-ang gihapon ang atong kinabuhi. Haw-ang kini tungod kay alang nato dunay kuwang. Ang kuwang mao gyud ang atong tinguha nga mahigugma ug higugmaon sa tinud-anay gayud. Nahinumdom nuon ko sa awit kaniadto nga nagkanayon: “Bisan ang kalibutan maimo kay timan-i baya halayo na ikaw! Igsuon pamalandong karon!”

Kun busog ka sa butang kalibutanon busog ka ba sa mga bahanding espirituhanon?