Edad ko Halad Ko

Kini ang among gihimo ning siyam ka mga kaadlawon alang sa Misa de Gallo. Gihalad kini sa mga parokyano kuyog ang ilang mga intensiyones aron ampoan sa tibuok tuig 2019. Nindot kini nga balansayon sa pagpakita sa atong dakong tinguha nga atong lig-onon ang atong kinabuhi diha sa grasya sa Dios.

Kay kun wala siya wala man gyud kitay mahimo. Ang kinabuhi nga atong nahuptan dili man gani atoa mao nga angay lamang nga ato kining gamiton alang sa paghimaya sa Dios. Hapit na matapus ang tuig 2018 busa matarong lamang ang paghimo og personal introspection aron sa ini’g tungtong sa tuig 2019 mahimong andam kita alang sa laing hugna, ning tungora pinasubay na gyud sa katarong ug sa tinguha nga dili usikan ang matag edad sa mga way hinungdang binuhatan.