Bisan nahikalimot ako

Mao kini ang giingon sa maong edaran kanako. Bisan kuno kun nahikalimot siya sa mga sala nga iyang nahimo apan mapaubsanon siyang naghinulsol niini. Tungod kuno sa kadaghan mao nga iya na lang kining nakalimtan.

Apan sa kinatibuk-an iyang giangkon ang iyang mga kasal-anan. Ingon ini usab kitang mga tawo nga tungod sa kadaghang sala nga atong nahimo atong makalimtan kay una tingali dili kita makadawat kun nganong ato kining nahimo. Ikaduha, mao nga ang uban nato buot molingkawas sa tanlag natong nihasi sa atong mga binuhatang bati.

Apan dili maayo nga maghunahuna lang kita sa atong mga sayop kondili mas maayo nga atong hunahunaon nga mas labaw sa atong sayop ang grasya sa Dios nga makapausab kanato kun tugotan lang nato ang Dios nga mosulod sa atong kinabuhi.