Ang bugtong paagi sa kinabuhing balaan

Daghan ang gitudlo nato kalabot sa kinabuhing balaan ug gani daghang mga gigamit nato nga mga basahon ug mga pagtulon-an.

Apan matud pa ni San Juan dela Cruz ang pinaka konkretong paagi niini mao man ang pagsunod sa kinabuhi ug dalan nga gisubay sa atong magtutudlo nga si Hesu Kristo.

Ang pagsunod sa iyang pagtulon-an ingon man ang pagsunod sa iyang kinabuhi maoy makapahimo natong sama niya.

Ug aron mahimo nato kini kinahanglan nga ato siyang ilhon diha sa balaang kasulatan ug human sa atong pag-ila kaniya nan, mas dali alang nato ang paghigugma niya. Ug kun higugmaon nato siya nan, mas dali alang nato ang pagsunod sa iyang kabubut-on ug pagtulon-an.

Ang kinabuhing balaan mao man ang pag-angkla sa tinubdan niini ug kini mao ang Dios nga atong gisimba ang ulosahong Santos sa tanang mga santos.