Get the drug suppliers first

Sumala sa atong gihandom ug gipaabot, tulo ra ka  bulan ang gitagal pagsulbad sa suliran sa gidiling druga. Daghan na ang nangamatay gumikan sa gipanghingusgan nga war on drugs, apan, mao ra man og misamot man hinuon ang kagrabe niini.

Akong tan-aw, masulbad lamang kini kon maoy puntariyahon sa atong mga awtoridad ang tinubdan sa druga. Diin man ni gikan? Nganong nagpadayon pa man ang pagsulod niini nganhi sa atong nasud, tinagdaghan ra ba … binilyon ka pesos gyud ang bili?

Siyaro’g wa mahibawo ang atong gobiyerno diin kini gikan ug kinsay nagpayuhot niini nganhi sa atong nasud ug nganong pirme lang malutsan ang adwana?

Mao kini ang angayan tutokan sa atong mga tinugyanan sa balaud. Inay magsige kita’g pamatay sa mga tigyupyop ug sa mga namaligya niini? Stop the source of the supply.

Samang daghan na ang nangamatay niining atong kampanya batok sa drug menace, nagkatawa lang tingali karon ang mga main supplier niini ug ang mga smuggler.

Kay kon wala nay supply, wa nay mayupyop ang user. Maayo tingali mohunong ta kadiyot sa pagpamatay sa mga adik, concentrate kono ta sa pagpangita ug pag-idnetify sa mga main suppliers niini.

By the way, kinsa man diay ang mga consignee niadtong napayuhot nga mga druga? Kinsay nagpadala ug diin nga nasud gikan? Unsa man to nikalit la’g tunga sa atong kadagatan ug sa pantalan?

* * *

Niay gisugilon ni Marichu A. Villanueva sa Philippine Star mahintungod sa pagronda nga gihimo sa Food and Drug Administration (FDA) sa usa ka pharmacy ug clinic sa Tarlac. Resulta: gitak-opan ang farmacia ug ang klinika, tungod kay matud pa: “allegedly engaged in unauthorized sale of supposed anti-cancer medicine. The FDA operatives also seized so-called herbal products being hyped in social media as a cure for cancer and other serious ailments.”

Giingon nga ang tag-iya sa pharmacy ug sa clinic usa kuno ka celebrity sa social media, kinsa matud pa, “got mad at the FDA.” Moy gidangat!

Unsay nahitabo? Matud ni Villanueva:  “Thus, it is not surprising that FDA Director-General Nela Charade Puno has been the subject of harsh bashing by social media habitués, trolls and otherwise following the closure of this pharmacy/clinic of unregistered medicine that purportedly can cure cancer diseases.”

Pastilan, dinhi sa atong nasud, kon magtinarong ka ug motuman sa imong katungdanan isip alagad sa gobiyerno, ikaw na hinuon ang mahimong dautan.  Social media?