Ang balaod sa paghigugma

Nobiyembre 4, 2018: Ikakatloag-usa nga

Domingo sulod sa tuig

MGA PAGBASA: Dt. 6;2-6/Sal. 18/Heb. 7;23-28/Mk. 112;28-34

Puno sa kaaligutgot ang atong palibot ingon man ang atong katilingban ning mga panahona. Kini tungod kay nahimong gimantala ang kapintas ingon man ang kasilag. Dili lang mata bayran og mata kondili diha sa panimalos kinahanglang mas labaw pa ang imong nahimo alang sa uban. Ang gihimo ni Hesus mao nga diha sa iyang kinabuhi iyang gihimong priority ang gugma nga iyang gipadayag sa paghigugma sa Dios ug paghigugma sa uban. Ang gugma sa Dios atong makita sa paagi nga iyang gitudlo kanato ang AMAHAN NAMO. Ang gugma sa uban iyang gipadayag niya sa paghimo og mga maayo ug pagtambal sa mga masakiton gikan sa nagkadaiyang mga balatian. Sa ato pa, iyang gisanong ang panginahanglan sa kinabag-an. Kini ang nakahimo niyang popular ug duolon sa mga tawo. Lisud ang paghigugma apan dili kini imposible. Mao nga kon ang imong desisyon ang maglisud sa ingon nan, mamahimong mas makatabang ang grasya. Busa pag-ampo alang niini nga imo kining maangkon.