Kalainan sa sucrose, fructose, ug glucose (1)

Unsa ba kini sila – mga klase o tipo kini sa asukar. Tingali masulod sa atong hunahuna, nga mosulay sa pag-undang og konsumo sa asukar, ug unsa kaha ang mahimong epekto ini sa lawas.

Natural maluya gayud kay mawad-an man kitag kusog kon walay asukar nga isugnod aron kini mahimong inerhiya.

Halos tanan nga isulod sa tiyan, iproseso kini nga asukar sa pancreas nga himoong insulin aron ilawog sa mga selyula isip ilang inerhiya, nga magamit sa lawas nga mohimsog.

Ang fructose, sucrose ug glucose, mga asukar kini nga managsama ra og kaloriya sa kada gramo.

Pulos kini sila makaplagan diha sa atong mga prutas, utanon,  produkto sa bakahan (dairy products), bugas (grains), ubang pagkaon ug anaa sab kini nga gisambog sa mga giprosesong produkto sa mga pagkaon.

Hinoon managlahi kini’g mga estraktura kon kini hilison o tunawon, sa pagtuhop niini sa organismo ug sa katibuk-ang epekto niini sa mga sistema sa lawas.

Atong gisusi ug gitun-an ang kalainan niining mga tipo sa asukar, aron sa paghatag ideya kon unsay angay nga konsumohon niini.

Kay ang lawas nagkinahanglan man og asukar nga mag-agad sa balanseng kondisyon sa lawas.

Nga ang sucrose – natibuok ni gikan sa mga molecules sa glucose ug sa ‘fructose. Ang sucrose maoy siyentipikanhong ngalan (scientific name) sa asukar nga gidalit sa lamesa (table sugar).

Ang asukar nabahin ngadto duha ka ka kategoriya, isip ‘monosaccharides’ ug ‘disaccharides’. 

Nga ang ‘disaccharides’, natibuok sab sa  duha ka ‘component’, nga naglambigit sa monosaccharides, nga dugmokon una kini sa dili pa hilison o tunawon. 

Ug nga ang sucrose, mao sab ang disaccharides, nga gilangkoban o natibuok sa ‘ratio nga  50% glucose ug  50% fructose.