Mag-Halloween kaba?

Sa atong pagka-awatero ug pagka-copy cat, bisa’g unsa na lang ang atong kopyahon ug sundon nga mga practices ug mga kinaiya gikan sa ubang kanasuran, ilabina gikan sa America.

Among others, ang mga American horror movies maoy nakahatag kanato og dakung influence sa walay pagtan-aw kon wala ba kini masukwahi ug mahisuapk sa atong kultura ug mga naandan nga mga practices.

Karon, niining atong pagsaulog ug paghandom sa mga minahal nato sa kinabuhi nga mitaliwan na ngadto sa laing kalibutan, ug sa atong pagpasidungog sa mga Santos, ato kining gisambogan sa usa ka kalihokan nga wa gyuy kalabutan sa All Souls ug All Saints Day.

Apan, tungod kay nindot man gyud alang kanato ang pag-awat sa mga Amerikano ug ubang nationalities, sulod sa pipila na ka tuig, nag-Halloween sad ta.

Of course wa gyud ni labut sa atong paghandom  sa mga minatay . Naka-distract hinoon kini sa tukmang  pag-observe ug pag-venerate niining duha ka balaang adlaw nga gibugalbogalan ug gi-commercialize sa mga negosyante.

Sa among panahon, solemne kaayo ang among pagsaulog niini. Pa-misa ug pagtambong sa Santos nga Misa, dagkot og kandila, pagpangadyi ug pag-rosaryo atubangan sa lubong sa among mga minahal sa kinabuhi .

Walay disko sulod sa minteryo, walay kumbira, walay hubog-hubog,  purely religious ang among kalihokan… walay Halloween, walay trick or treat.

Anyway, nahimo na man kining regular nga practice sa atong nasud, ug  mao ra man  og nakaayon sad  ta niini ug gikalipay sa mga negosyante, wa na tay mahimo batok niini. Ang ato lang, nga unta dili kini maka-distract sa tukma nga paghandom sa atong mga minatay ug pag-acclaim ug pag-esteem sa mga Santos.

Matud sa CBCP (Catholic Bishops Conference of  the Philippines), kining duha ka balaang adlaw  is a celebration of life, dili celebration of death, sumala sa gi-promote sa nagpasiugda sa Halloween.

Si Manila Auxiliary Bishop Broderick Pabillo, chairman sa CBCP-Episcopal Commission on the Laity, nagkanayon: “When people visit their dead in the cemeteries, what do they bring? Flowers, bouquets of flowers which are signs of life. Candles too are signs of life when lit. We also bring food, which is again a sign of life. So, it is really a celebration of life. It is the kind of life that we wished for our departed love ones when they go to heaven and that is why pray for them.” So, mag-Halloween ka ba? Naa ra nimo. Way magbuot nimo!