Gibaligya sa igsuon ang yuta nga way pagtugot

Dear Atty. Divine,

Ang akong yuta gibaligya sa akong igsuon nga mao untay akong gisaligan sa pag-atiman niini. Iyang gi-forge ang akong pirma.

Hinuon akong nasuta sa Register of Deeds nga wa pa ma-transfer ang maong property sa pangan sa nakapalit kay naa man nako ang orignal nga titulo sa maong yuta.

Gusto unta nako nga ma-annul  or ma cancel ang maong Deed of Absolute Sale kay wa may katungod ang akong igsuon sa pagbaligya sa maong yuta.

Unsay  angayan nakong buhaton og asa man nako ifile ang kaso?

Daghang salamat.

Oliver

* * *

Dear Oliver,

Ang una nimong buhaton aron dili ka makagasto og dako mao ang pag-file una og reklamo batok sa imong igsuon ug sa nakapalit sa imong yuta ngadto sa barangay aron kamo magka-atubang og imong mapahibawo ang buyer nga dili for sale ang imong property ug  dili ikaw ang nagbaligya niini ug gi-forge ra ang imong signature.

Kon masayod niini ang buyer segurado ko nga dili na gyud siya mamugos nga mabalhin sa iyang pangan ang yuta nga iya untang napalit kay kahibawo  na man siya nga dili valid ang maong Deed of Sale.

Ang posibleng mahitabo niini nga iuli sa imong igsuon ang kwarta nga gibayad sa buyer ug imong kuhaon ang original copy sa  Deed of Sale  aron dili na kini niya magamit pa sa pag-process sa pag transfer kay kon iya gihapong gamiton ang dokumento bisan kon nasayud siyang dili ikaw ang nagpirma  niini makonsiderar gyud siyang buyer in bad faith ug segurado gyud siyang mapildi sa kaso. Apas mas dali ug wa kay gasto kon mag-settle mo sa barangay hinuon kon dili mo-masettle sa barangay then mopasaka gyud ka og kaso ngadto sa korte ug adto kini nimo i-file sa lugar diin ka nagpuyo or diin nagpuyo ang imong gikiha kay ang pag annul or  pag-cancel sa kontrata sama sa Deed of Sale usa kana ka personal action busa ang venue adto kini kon asa nagpuyo ang nagkiha or asa nagpuyo ang gikiha. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St, Cebu City or emai sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.