Hapsay nga panaw

Oktubre 7, 2018: Ikakawhaa’g-walo nga

Domingo sulod sa tuig

MGA PAGBASA:  Kin. 7;7-11/Sal. 90/Heb. 4;12-13/Mk. 10;17-30

Kini nagpasabot nga kon buot nimong mamahimong hapsay ang imong panaw dili maayo nga magbaguod ka sa daghang karga. Apil na niini ang mga butang o kabtangan nga nahimong babag sa imong paglakaw. Mao nga kinahanglang mamahimong hamtong ang atong pagsabot sa bisan unsang butang materyal. Atong gamiton ang bisan unsang materyal sa pagtabang sa uban ingon man ang pagbaton og mga higala pinaagi niini. Dili maayo nga tugotan nato ang mga butang materyal nga maoy moulipon nato. Kay sa higayon nga kita maulipon niini unsaon na man lang nato pagkab-ot ang gitinguhang kinabuhi diin anaa ang kalinaw ug kalipay? Kay sama ni Gollum sa Lord of the Rings nga saga, nahimong nag-antos siya ug nabilanggo siya sa pagpangita niini aron iya kining angkunon bugti sa normal nga pagkinabuhi?