Pagtahod sa nasudnong awit

Ato man lang ning gipakabale-wala, apan, 34 ka tawo ang gidakop gumikan sa wala nila pagtahod sa National Anthem samtang gitukar kini sulod sa usa ka sinehan sa Lemery, Batangas.       

Ang kapolisan sa Batangas mihimo’g surprise inspection sulod ning maong movie house,  diin samtang gitugtog ang Lupang Hinirang, kining maong 34 ka tawo, 15 ka lalake ug 19 ka babaye wala motindog, nagpabiling naglingkod.

Immediately, gidakop sila, gidala ngadto sa buhatan sa police, for questioning. Pasakaan sila’g kaso pagsupak sa Republic Act 8491 o ang Flag Heraldic Code of the Philippines.            

Sa ako nang giingon, ato lang ning gi-take-for-granted. Atong mamatikdan nga sulod sa  mga sinehan, adunay pipila nga magpabiling maglingkod samtang gitugtog ang national anthem.

Ug sa mga flag-raising ceremony sa mga tunghaan ug sa mga buhatan sa gobiyerno, sama sa atbang sa Kapitolyo ug sa Plaza Sugbo sa city hall, daghan kanato ang dili magpakabana, magpadayon paglakaw o pagbuhat sa naandang buhatunon.

So, nindot ning gihimo sa kapolisan sa Batangas. Makapahinumdom kini kanato sa atong obligasyon paghatag og hustong pagtahod sa National Flag ug National Anthem.

Giingon dinhi, atong kutloon: “When the national anthem is played at a public gathering, whether by a band or by singing or both, or reproduced by any means, the attending public shall sing the anthem. The singing must be done with fervor.

“All persons should stand at attention and face the Philippine flag, if there is one displayed, and if there is none, they shall face the band or the conductor.”

So, there you are.

* * *

Niay headline, perhaps, nakakabig usab sa inyong pagtagad: “Ombudsman: No need to suspend officials facing raps.” Buot  ipasabot nga dili kinahanglan suspensuhon ang mga opisyales nga mag-atubang og kaso. Kini, sumala sa bag-ong natudlo nga Ombudsman Samuel Martires. Usa ka unconventional order ngadto sa mga state prosecutors: “to no longer seek the suspension of government officials facing charges before the anti-graft court Sandiganbayan and any other lower court.”

Apan, ang mga korte gitugotan pag-issue og suspension order, motu propio or on their own initiative. So, anaa ra sa mga korte ang pag-issue sa suspension order.

Atong kutloon: “All concerned shall no longer be required to file motions to suspend accused pendente lite (pending litigation) before the Sandiganbayan or the lower courts.”

So, alang niadtong mag-atubang og kaso, makaginhawa sila’g luag niini. At least, dili automatic nga sila suspensuhon.