Gustong ipagamit sa amahan ang iyang apelyido sa bata

Dear Atty. Divine,

Ang akong igsuon nanganak last week ug dili sila kasal sa amahan sa bata. Ang amahan maoy migasto sa tanan sa hospital ug mipasalig kini sa pagsuporta sa bata. Apan gusto sa amahan nga ang iyang apelyido ang ipaggamit sa bata sa iyang Birth Certificate. Ang akong pangutana kon advantage ba sa akong igsuon kon ang apelyido sa papa ang ipagamit sa iyang anak? Unsay dokumento nga himoon aron ang apelyido gyud sa papa ang mabutang sa birth certificate sa bata? Daghang salamat. — Nora

Dear Nora,

Para nako mas advantage kon ma-acknowledge ang bata sa amahan pinaagi sa pagpirma sa amahan sa birth certificate sa bata ug paggamit sa iyang apelyido. Kini aron ang imong igsuon dili na maglisod sa pagprobar kon kinsay papa sa iyang anak ug kon mapakyas ang amahan sa pagsuporta sa bata mamahimong makadangop sa korte ang imong igsuon ug mo-demand og financial support ug di na maka-deny niini ang amahan kay gi-acknowledge man niya ang bata. Laing dokumento nga andamon sa imong igsuon aron ang apelyido sa papa ang magamit sa bata mao ang iyang pag-execute og Affidavit to use the surname of the father nga pirmado sa imong igsuon ug iyang ipa-notarize. I-apil nimo ang affidavit sa pag-submit uban sa Certificate of Live Birth sa Local Civil Registrar alang sa pagparehistro unya sa birth certificate sa bata. Thanks and God bless. —  Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.