Functional ra kaayo

Dunay babaye nakigrelasyon og lalaki gipangutana siya sa lalaki kon nganong sa tanang mga lalaki siya ra man gyud ang gipili. 

Ang babaye uban ang pahiyom ang nagkanayon:” Mas praktikal kaayo kon ikaw ang akong ikauban!” malibre pa kuno ang panud-an.

Sakit apan maoy kamatuoran karong panahona nga daghan sa mga tawo ang nahimong makiglambigit tungod ug alang sa praktikalidad ingon man seguridad.

Daghan sa mga tawo ang nahimong pakapin  sa kinabuhi sa uban kini tungod kay ang kinabuhi gisukod sa mahimo ug angay himoon dili kaysa bili ug kalag sa matag tawo ning kalibutan.

Apan kon maantigo lang kitang mosud-ong ginamit ang mga mata sa pagtuo mamahimong mas nindot unta gyud ang pagtan-aw nato sa atong panagkuyog.

Kanang magkuyog ta bisan walay himoong mga butang ni pakigsultihan nagkuyog ta tungod kay atong nabati nga importante ang matag usa.