Ayaw usiki ang imong panahon

Diha sa paggahin og igong higayon sa usa ka tawo o mga tawo nga buot makigkuyog nimo labina kon magkinahanglan sila nimo. Ug kon wala kana nila kinahanglana mahimong naa o wala ka.

Dili ka ingon ana ka bililhon.  Sakit palandongon apan ingon ini ang atong kalibutan karon. Nagtuo ka nga gipangga ka apan gigamit ka lang diay nila alang sa ilang katuyoan.

Apan may mahimo ka gawas sa pag-isip niini nga usa ka dakong demalas. Ug kini ang paghimo nimo sa imong kaugalingon nga molatas sa linain nga dalan diha sa pagkamatinud-anon.

Diin ang pulong gugma wala lang nimo himoang kabahin sa imong katitikan, gihimo nimo kining imong kinabuhi ug matang sa pagkinabuhi nga lisud man puy-an apan imong gipaningkamotan.