Cinnamon sa dili pa mamahaw (2)

Pinaagi niini, masanta ang pagbara sa agianan sa dugo ug mopalapsaw kini sa dugo, ug mogana ang maayong sistema sa sirkulasyon. Mobaskog ug maulian pagbalik gikan sa mga tisyu nga nagkapupos na ug sa pagseguro nga kamenosan usab ang kadaot niini.

Moaway kini batok sa mga virus ug sa daotang bakterya. Mopaalibyo, o mopahupay sa panakit sa arthritis. Maminten ang kahimsog sa kasingkasing ug ubang sistema sa atong organs. Unsaon man paggamit sa Cinnamon?

Mahimo ni nga isagol sa pagkaon, nga idugang lang ang usa ka kutsarita sa pinulbos nga Cinnamon sa kape, gatas, smoothies, o sa juices, nga imong imnon kada buntag. Mahimo sab nga dugangan og usa ka kutsarita sa honey, isip maayo nga kombinasyon sa pagpahimsog sa panglawas.

Ingon niini lang kasayon ang atong buhaton kon gusto kita nga makaangkon ug malibre gikan sa nagkalainlaing kaluyahon nga dili damhon nga mosukmat sa lawas. Busa, ato dayon nga sugdan ug sulayan, aron makabatyag kita’g epekto, nga bisan human sa 45 ka minutos, imo na nga masinati ang maayo nga resulta niini sa lawas.

Naa’y mga baligya niini nga pinulbos ug panit sa Cinnamon diha sa mga supermarket ug sa mga naninda’g pahimsog (healthstores). Mga pahimangno: Dili kini maayo nga konsumohon sa mga mabdos, kay basi’g mareporma sa kadaot ang gisabak, maingon man sa mga nagpasuso ug sa masuso.

Sa mga pasyente sa chrohn’s diseases, alzheimers ug sa mga allergehon og lawas, ug sa mga adunay isyu sa atay, ayaw gayud iapil sa pagkonsumo ang Cinnamon.