Ipausab ang apilyedo sa bata

Dear Atty. Divine,

Duna ko’y illegitimate child ug nagbuwag mi sa iyang biological father while nagbuntis pa ko niining bataa.

Pagkatawo niining bataa duna na ko’y laing live-in partner nga maoy mibarug isip amahan sa bata ug siya ang nabutang nga amahan sa birth certificate sa akong anak.

Apan wa magdugay ang among relasyon tungod sa iyang pagka babaero, so nagbuwag mi after 2 years.

Ang akong problema kay ang akong anak nagdala sa iyang apelyido. Unsa man ang angayan nako nga buhaton? Daghang salamat. —  Nora

Dear Nora,

Kinahanglan gyud nimong ipa-cancel, o ipa-delete ang fictitious entry sa name sa father sa Birth Certificate sa imong anak ug imo sab nga ipausab ang iyang apilyedo gikan sa surname sa imong ex-partner, ngadto na sa imong surname, ug  dapat wala na siya’y middle name.

Tungod kay nag-involve kini og change of surname, adto gyud sa korte moagi ang proseso niini, mao nga kinahanglan ka og lawyer nga maoy mo-prepare sa imong petition ug mo-represent kanimo sa korte kay naa man ni hearing.

Once ma-grant sa court ang imong petition, then mausab   na ang birth certificate sa imong anak lakip na ang iyang apelyido. Thanks and God bless.- Atty. Divine

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.