Tungod sa bias
HUNYO 10, 2018: Ikanapulo nga Domingo sulod sa tuig
Mga Pagbasa: Gen. 3:9-15/Sal. 129/2 Cor 4:13-5:1/Mark 3:20-35
Dili ikalimod nga matag tawo dunay bias sa ilang isigkaingon. Tungod niini dili na nuon makasulti ang tawo sa iyang buot ipaabot sanglit ang maong bias maoy babag diha sa pagpaminaw kun unsay husto ug unsay maayo. Kini ang nahitabo ni Jesus sa iyang paghimo og mga milagro daghan ang dili na motuo kini tungod kay nabutaan sila sa maong bias ngadto kaniya. Kay after all kinsa ra gud siya anak sa panday ug way igong kinaadman segun sa sukaranan nga ilang gibasehan. Sa kinabuhi sa politika ug uban pa anaa gyud kining maong bias nahimong babag sa kalambuan. Kun mahimo pa lang untang objective ang tanan nan, dili unta mahitabo ang mga butang nga sama niini. Wala untay panaglalis ingon man pagbinungolay. Kun ang Ginoo wala makalikay unsa pa kaha ang mga yanong tawo nga sama nato lamang?
- Latest
