Kinahanglan ba gyud ang national ID system?
Karon nga hapit na mahimong balaod, ug lagmit sugdan na sa pagpa-implementar sa sunod buwan ang national ID system, daghan gihapon ang misupak niini, kaylagi, maka-encroach kuno sa atong privacy. Malilian kuno ug mabutyag ang personal ug pribado natong mga sirkumstansya sa kinabuhi.
Sa ato na nga giingon, wala’y basehanan kining maong kahadlok. Personally, unsa may akong kahadlokan sa ako unyang paghupot sa national ID card, nga anaa sa maong ID ang akong hulagway, ug mga basic information sama sa akong ngalan, edad, dapit nga natawhan, address, minyo o dili, ug uban pa.
Ngano nga maka-tresspass man kini sa akong private life? Of course, alang nako, wa gyud ko’y immediate need nga maghupot og national ID card, tungod kay duna man ko’y driver’s license ug senior citizen’s ID. At least for identification purposes OK na man ning duha lang ka government- issued nga ID pag-comply sa magkinahanglan niini. On the other hand, ang mga criminally-inclined individuals, dili gusto og ID kay hadlok nga ma-expose ang ilang pagkatawo, ilabi na niadtong wala’y klarong address, wala’y klarong trabaho apan daghan og kwarta.
Hinoon, aduna’y nangutana kon kining national ID system, maka-improve ba sa serbisyo sa gobiyerno. Kini, lain na nga sugilanon. Abangan!
* * *
Ang mga negosyante sa dakbayan sa Sugbo, ang Cebu Chamber of Commerce & Industry (CCCI) misubli sa ilang pagsuporta sa Bus Rapid Transit (BRT) project nga gisupak sa mga kaatbang sa politika ni Mayor Tomas Osmeña.
Pangandoy sa CCCI nga unta i-set aside lang una ang politika. Dili ba ni nato mahimo dinhi sa atong dakbayan alang sa kaayohan sa katawhan?
Lisud ning buhaton alang sa mga kaatbang ni Mayor Tom tungod kay ang ilang gilantaw mao na man ang 2019 elections, nga kon madayon ang BRT ug ubang mga dagkong proyekto sa mayor, dako ang purohan nga mare-elected si Mayor Tom, ug dili sila makabalik sa City Hall.
Karon, atong ma-imagine ang subsob ug mas intensified nga pagsupak sa mga proyekto sa City Hall. Pastilan!
* * *
Giingon nga magkadaghan ang “ultrarich”dinhi sa atong nasud sa mosunod nga katuigan. Gitumbok dinhi ang mga adunahan nga nag-angkon og P2.6 billion nga net assets.
Sa kapin sa 100 million ka molupyo sa nasud, 310 ra ka tawo ang na-belong niining grupo sa mga “ultrarich”. Asa man punita kitang mga “ultrapoor” nga nagkadaghan usab?
- Latest
