Tungod sa bahandi

Niduol sila kanako kay lagi wa sila makatuo nga nahitabo ang dugoong pagpinatyanay sa ilang pamilya. Ang hinungdan usa kanila ang giakusar nga maoy nagkupot sa bahanding gikahinaman.

Ning maong kahimtang daw sa nablangko ug na trauma ang tanan.  Kini tungod kay wa sila magdahum nga kadto mahitabo.

Daghan gyud ang malain ug mabuang kon maghisgot na kita og bahandi. Kini tungod kay daghanan kanato ang sayop sa atong panlantaw kon unsaon nato kini sa paggamit. Apan ang bugtong tinuod mao nga wala kita’y madala bisan piso sa atong lubong. Kini tungod kay kita gani mismo ang lumalabay lamang ning kalibutan. Gamita ang bahandi sa pagbaton og daghang mga higala dili ang paggamit niini alang sa atong kaugalingon lamang.