Ang kasagrado sa katungod pagpili

Matag eleksiyon, kanunay kitang pahinumdoman sa pagkasagrado sa atong katungod pagpili, ug tungod kay sagrado, makagaba kon ato kining yamayamaan, kon atong i-take for granted, kon dili kini nato ampingan, ug labaw pa nga makagaba kon ato kining ibaligya.

Tan-awa unsa’y nahitabo sa atong nasud; gumikan sa atong pagpasagad, gigabaan ang atong nasud – nagpabilin kitang alaot, nagkadaghan ang mga pobre ug ang mga wala’y trabaho.

Gumikan sa atong pagpasagad pagpili, wala gayud masanta sa hingpit ang kurapsiyon,  dakong kulang ang serbisyo publiko, nagpabaya ang ato untang mga sulogoon sa lungsod. Kon unsa kita karon, kon unsa ang atong nasud karon, resulta ug epekto kini sa atong pagpasagad pagpili. Mga irresponsible kita nga mga botante.

Sa ato na nga gibalikbalik dinhi, ang resulta sa eleksiyon mag-agad kon unsa kita nga matang sa pagka pumipili, nga kon buot kitang magmauswagon ang atong nasud, kon buot kitang magmatinud-anon ang atong mga public servants, kining tanan, mag-agad sa kaligdong ug katarong sa atong pagka pumipili.

Akong usbon, sagrado ang katungod pagpili. Dili kini nato duwaduwaan, aron dili kita magabaan.

Alang kanatong mga senior citizen, ambot pila na ka eleksiyon ang milabay sa atong kinabuhi. Sa akong bahin, daghan na gyud kaayo. Apan sa dili pagdayeg sa akong kaugalingon, wa gyud nako inegosyo ang balaan nakong katungod pagpili.

Besides, sa amo gud nga panahon, wa pa man to mouso ang pinalitay sa voto. Ug sa diha nga moingon na sila nga “happy days are here again” matag eleksiyon, wa man sa’y nitunol nako og something bugti sa atong pagbotar. Lagmit nagtuo tingali sila nga dili ko modawat.

* * *

Nia’y usa ka professional advertising person, iyang kasinatian sa marketing milungtad na’g 33 ka tuig. Matud niya: My next target market: Seniors!

Matud niya, you can’t do advertising without a profound knowledge of marketing. Lagmit mao ni ang depekto sa pipila ka advertising agencies sa atong nasud, ang gi-advertise dili makaabot ngadto sa intended target market.

Matud ni Barbara Gonzales-Ventura sa Philippine Star: “Our marketing efforts in the Philippines lag behind the marketing efforts in the USA maybe because, as I have observed, Filipinos generally are not deeply observant.

“For example, the past prominent target market is the millennials.  Advertising has been geared to young people yet apparently sales did not hit the desired results. Why?  Because young people do not spend their own money on themselves.”

Tinuod, dili ba? Ato ning ipadayon sa sunod lindog.