Ang dedikasyon ni Brod

Gilakaw namo ang hataas nga dalan padung sa Malapangi via Kampatok. Kutas kaayo ang tanan singot nga dili mahimong kapahiran diha-diha. Daw sa mobuto ang dughan kuyog namo si Brod. Sa among lakaw-lakaw akong nasayran nga siya magbisikleta. Iya kining pas-anon gikan sa bukid padung sa ubos aron maoy iyang kasakyan padung sa Tabuelan aron mosimba. Gani dunay mga higayon nga tungod sa dakong baha wa siya’y  laing mahimo gawas sa paglangoy na lang aron makatabok sa ilaha. Kon Misa de Gallo mga alas dos pa lamang andam na kuno siya aron sa misa dili ma-late. Kaingon ko nga grabe gyud ang iyang dedikasyon sa pagserbisyo. Butang nga makapadasig sa matag usa kanato nga unta mamahimong manggihatagon sa atong kaugalingon. Kay diha lamang sa paghatag kita mamahimong mabungahon.