Brgy Marigondon, Lapu-Lapu City
“Naay project nga drainage line ang DPWH sa Suba-Panas nga wala g’yud tiwasa sa contractor ang gutter nga mo-connect gikan sa kilid sa pavement ngadto sa curve sa sidewalk. Kuyaw kaayo sa mga motorista kay gibiyaan na man lang kini sa contractor.”
Brgy Hipodromo, Cebu City
“Akong panawagan sa mga opisyal namo diri sa barangay nga aksyonan kining kusog kaayo nga illegal swertres diri sa may rail site dapit. Klaro na man kaayo kun kinsay nagpasiugda niining sugala kay anha man mag-remit niya ang mga aser.”
Brgy San Vicente, Liloan, Cebu
“Ang karsada diri sa Sambag dapit padulong sa Brgy. Bajac kay pwerte na g’yud nga gubaa, lawom kaayo ang mga libaong nga mura na og sungkaan. Mura na man og wala mi mga opisyal diri sa barangay.
Brgy Canduman, Mandaue City
“Ako lang ireklamo kining jeep nga nagbiyahean sa Danao (GWS 110) kay nisakay ko gikan sa North Bus Terminal, unya nanaog ko’g Canduman, gipaplete man hinoon ko’g P40 kay kuno itupong akong plete sa padulong sa Danao.”
Brgy Kalunasan, Cebu City
“Ngano man intawon kining namaligya’g shabu diri sa Sitio Camparang nga wala man g’yud kini dakpa sa mga polis? Makaduda na man lang kaming mga nanimuyo diri naa kini siya’y koneksyon sa mga polis kay dili mahadlok mamaligya.”
Brgy Lutac, City Of Naga
“Ang ilawom sa taytayan sa Bangker dapit kay gihimo na man hinoon nga labayanan sa basura sa mga tawo nga nanimuyo sa duol. Baho kaayo ang maong lugar unya naa’y sige’g kuha og bas ug graba.”
Brgy Pooc, Talisay City
“Nahibulong lang ko nganong grabe man gihapon kaayo diri sa among barangay ang baligya’ay sa shabu. Gihimo na man nga hagbunganan sa shabu ang among barangay. Daghang dili taga diri nga mag-arian.
Brgy Talisay, Sta. Fe, Cebu
“Grabe na man kaguba sa dalan padulong sa Sta Fe beach club wala g’yud maatiman, uwaw kaayo sa mga turista.
Brgy Kalunasan, Cebu City
“Among hangyo ngadto ni Governor Hilario Davide III nga unta dili iapil sa iyang kamandoan ang nagtinarong nga mga piniriso diri sa CPDRC, kadto lang unta nga mga piniriso nga nalambigit sa ilegal nga drugas maoy did-an og dalaw para wala nay makalusot nga shabu sa sulod.”
Brgy Suba, Danao City
“Wala man g’yud dakopa sa mga polis ang tag-iya sa balay nga gihimong suyopanan diri sa Sitio Lupulupu-Suba. Wala g’yud kami kabantay nga gipatuman diri sa among lugar ang Oplan Tukhang.”
Alang sa inyong mga reklamo text lang sa 09083006702 / 09953598138
- Latest
