Brgy Labangon, Cebu City
“Unsa man g’yuy problema sa siyudad nganong wala man sila makahipos niining mga basura nga naa diri sa
among barangay. Taud-taud na g’yud kining mga basura namo diri nga wala kuhaa sa mga garbage collectors.”
Brgy Lutac, City Of Naga
“Kining karsada namo diri sa Sitio Caduldulan nakalimtan naman lang intawon kini sa mga opisyal sa barangay
kay hangtod karon wala man gihapon ipasemento ang karsada. Nagsige ra man sila’g saad nga ipaayo.
Brgy Luray, Toledo City
“Kanus-a man intawon atimanon ang problema namo diri sa kanal atbang g’yud sa Toledo City South Central
School kay bisa’g hinay ang uwan dali nga mapuno ang kanal. Hangyo lang kami sa taga DPWH nga padak-an ang
kanal kay luoy kaming nagpuyo diri kay mosulod sa among mga balay ang tubig.”
Brgy Pulpogan, Consolacion, Cebu
“Wa man lang g’yud magpakabana ang mga opisyal namo sa barangay niining mga basura duol sa eskwelahan
ug simbahan nga wala maatiman. Manghinaot kami nga matagad dayon kini aron dili na modako pa ang problema sa
mga tawo diri.”
Brgy Dunggoan, Danao City
“ Daghan man gihapon ang mga nakit-an namo diri nga nagumon sa illegal drugs sa among barangay wala man
mahadlok sa kampanya sa presidente sa nasud. Mohangyo unta kaming mga tawo diri nga ipaapil sa tukhang ang
mga adik diri sa among barangay.”
Brgy Mambaling, Cebu City
“Manawagan kami sa taga CITOM nga susihon sab unta nila ang karsada diri sa Sitio Lawis-Alaska kay samok
kaayo ang mga trisikad sa agianan ug maglisod na hinoon pag-agi ang mga pribadong sakyanan kay halos na lang
okupahon sa mga trisikad drivers ang karsada.”
Brgy Dumalan, Damaguete City
“Kining karsada diri sa Sitio Candikay pwerte naman lang g’yud nga gubaa, wala man g’yud tagda sa mga
opisyal namo sa barangay. Daghan na kaayong mga motorista ang nadisgrasya tungod sa bati namong karsada nga
wala maatiman.”
Brgy Tubigag-Manok, Asturias, Cebu
“Duna lang ko’y naobserbahan niining mga nangolekta’g basura diri sa among lungsod kay tapolan kaayo,
halos man dili tuyokon ang tibuok barangay, para magkuha sa mga basura. Usahay bisa’g naay nangatagak nga
basura gikan sa garbage truck dili nila ikarga og balik mao nga hugaw ang among lugar diri.”
Brgy Banilad, Mandaue City
“Magpasalamat lang kami sa mga opisyal namo sa siyudad sa Mandaue kay wala na g’yud kaayo’y mga
pagbaha sa among lugar bisan kon kusog kaayo ang uwan, dili parehas sa Cebu City nga kada uwan mura’g dagat na
ang downtown area. Salamat kaayo ni mayor Luigi kay iya g’yud gipatuman ang plastic ban ordinance.’
* * *
Alang sa inyong mga reklamo text lang sa 09083006702
- Latest
