Mga benepisyo sa saging (1)

Ang saging maoy sagad gipangaon sa tibuok kalibutan. Mas daghan pa kini og protina bisan og usahon pa ang makuha sa mansanas ug orange. Apan hangtud karon, daghan pa ang buot masayod kon unsa g’yud ang mahatag nga mga benepisyo sa pagkaon og saging.

* HAYBLAD (highblood pressure) – dili ikalimod nga nahimo na kining kumon nga sakit sa atong panahon. Busa mas maayo nga maminten ug kamenosan ang asin (sodium) ug madugangan ang potassium sa lawas, sama sa pagkaon og saging, aron makontrol ang normal nga presyur sa dugo.

* HUBAK (asthma) – sa pagtuon sa Imperial College of London, nadiskubre nga ang mga bata, sa pagkaon lang og usa ka saging kada adlaw, namenosan og 34 % ang tsansa nga sila matakboyan og hubak.

* KANSER – ang pagkaon og saging, orange o orange juice, sa unang duha ka tuig sa kinabuhi, makapamenos sa risgo nga makasinati og leyukemya. Ang saging, dasok sa Vitamin C, nga mokombate batok sa free radicals, ug iyang santaon nga maporma ang kanser. Ang dasok sa fiber nga gikan sa prutas sama sa saging, makapamenos sab sa risgo nga mamugna ang ‘colorectal cancer’.

* SAKIT sa KASINGKASING – ang fiber, potassium, vitamin C ug B6, sa saging, mga importante kini nga mosuporta sa kahimsog sa kasingkasing. Ang saging menos sa sodium nga taas og potassium. Makatabang ni nga malikayan ang ‘cardiovascular disease’. Kini matud pa ni Mark Houston, MD, MS, Asst. clinical professor sa Medical Institute of Vanderbilt, ug director sa Hypertension Institute, sa St. Thomas Hospital sa Tennessee.