Lingaw ang single

CEBU, Philippines - Tsika pa ni Erich Gonzales nga nalingaw siya pag-ayo sa iyang pagka-single gumikan kay mabuhat niya ang mga butang nga iyang gusto nga dili mag-agad og laing tawo.  Una na nga gibutyag sa aktres nga wala na’y tsansa nga magbalik sila ni Daniel Matsunaga. Nag-inusara ra pud si Erich sa dihang nitikang siya sa premiere night sa pelikula nila ni Yen Santos ug Piolo Pascual nga Northern Lights: A Journey To Love.

Fans ni Alden nasagmuyo

Aduna’y Pinoy fans si Alden Richards sa laing nasud nga nagtinguha nga motikang dinhi sa Pilipinas aron lang gyud motan-aw sa concert sa ilang idolo karong Mayo apan nasagmuyo sila human nila nasuta nga sold out na ang tickets sa maong concert.  Nanghinaot na lang sila nga makabaton puhon si Alden og laing concert.

Wala mo-click?

Usa ka buwan lang nilungtad ang show ni Dingdong Dantes sa GMA-7 nga Case Solved. Ang timeslot niini, pulihan sa seryeng Ika-Anim na Utos sugod karong Sabado.  Wala hinuon gidetalye sa GMA ang rason sa pagkahunong sa maong show.

Magpaabot ra

Wala gi-pressure sa magtiayong Pauleen Luna ug Vic Sotto ang ilang mga kaugalingon ug nag-enjoy sila sa pagbakasyon sa nagkalain-laing dapit sa kalibutan. Wala gihapon sila mawad-i og paglaom nga makahulma sa ilang unang liwat.

Dongyan mag-uban romcom?

Giingong usa ka romantic-comedy series ang umaabot nga proyekto  sa magtiayong  Dingdong Dantes ug Marian Rivera sa GMA-7. Wala pa hinuon mohatag og kumpirmasyon ang magtiayon kalabot niini.

Marlo ug Morissette giintriga

Giklaro ni Marlo Mortel nga suod lang gyud sila ni Morissette Amon ug dili tinuod ang tsika nga matud pa duna sila’y relasyon.  Nagsugod ang maong tsismis sa dihang nipadala og mensahe si Marlo ngadto kang Morissette aron mangutana kun unsa nga tambal ang iyang tumaron human naglain ang iyang lawas.

Yen mihimakak

Hugtanong gihimakak ni Yen Santos ang report nga nag-link sa iyang pangalan ngadto sa  direktor sa pelikula niya nga  Northern Lights nga si Dondon Santos. Suma pa ni Yen nga duna na’y asawa si Direk Dondon busa imposible kaayo nga mahitabo ang maong taho.

Gamay og boobs

Gibutyag sa produkto sa Pinoy Big Brother nga si Miho Nishida nga hanap kaayo ang posibilidad nga mahimo siya nga cover girl sa usa  ka sexy magazine.  Matud pa ni Miho nga  gamay  ra kaayo siya og  boobs.

Keveray ang show

Wala’y usbon si  Inigo Pascual sa iyang pagkalambing ngadto sa iyang amahan nga si Piolo Pascual. Kever lang siya sa mga naghatag og malisya sa ka-sweet nila sa iyang amahan.

Andam sa posibilidad

Bisan pa man sa gisaysay ni Bela Padilla nga wala sila’y relasyon sa kauban niya sa seryeng My Dear Heart nga si Zanjoe Marudo, wala niya sirad- i  ang posibilidad nga magkadayon sila puhon. Matud pa sa aktres nga dili matag-an ang dagan sa panahon .

JaDine nanghugyaw sa California

Nahugyaw og maayo  ang fans nila ni James Reid ug Nadine Lustre atol sa ilang  concert sa San Diego, California sa miaging adlaw .

Gisuwayan sa duha ang lyrical dance kun diin ilang gisayaw ang  “I Don’t Wanna Live Forever.”

Masipa nga pakpak ang ilang nadawat gikan sa audience. Wala damha sa mag-uyab ang init nga paghangop kanila  sa ilang Pinoy fans nga nagbase sa maong dapit. 

Rated X ang pelikula ni Iza Rated X ang pelikula ni Iza

Nihatag og  “X”  nga rating ang Movie and Television Review and Classification Board ngadto sa pelikula ni Iza Calzado nga Bliss. Nasayran nga ang maong pelikula maoy nakapadaog kang Iza sa Osaka Asian Film Festival  didto sa Japan partikular na ang award nga Yakushi Pearl Award for Best Performer .

   Ang direktor  kaniadto  sa Heneral Luna nga si Jerrold  Tarog  mao usab ang direktor sa Bliss.

Giingong makaapelar  ang  producers sa maong  rating aron mapahigayon ang re-evaluation.

   Sa maong sitwasyon, mahimong i-edit sa producers ang mga  law-ay nga eksena aron mapaus-os ang rating niini. 

Bag-ong pelikula alang kang Charo

Gipahibalo  ni  ABS-CBN chief content officer Charo Santos nga gikonsiderar niya karon nga mogama og laing pelikula.

   Katapusang nilugwa si  Charo sa  “Ang Babaeng Humayo” ni Direk Lav Diaz.

  “Parang mayroon. Pero I’m not allowed to say,” suma pa ni Charo.

   Sa miaging tuig, ang  “Ang Babaeng Humayo” maoy labing una nga  Filipino film nga nakaangkon og  Golden Lion, ang  top prize sa prestihiyosong  Venice Film Festival.

Pia ug  Kiray nataypan ni Fanny

Nisalmot  ang sikat nga  stylist ug  makeup artist nga si  Fanny Serrano  sa init nga diskusyon kalabot sa mga aktres nga angayan ihulip kang Angel Locsin sa  upcoming movie sa Star Cinema nga Darna.

 Nisugyot  si  Fanny  nga angayan balikon ang karaan nga konsepto kun diin duha ka aktres ang mahimong bida, ang  superhero  nga si Darna , samtang ang usa maoy modala isip Narda kun diin ang iyang lawas maoy gamiton ni Darna.

“Natatandaan ko noong maliit pa ako at napapanood ko ang Darna noong early ’50s na si Rosa del Rosario ang gumanap [at] ibang character ang gumanap bilang si Narda, at siya ay si Mila Nimpa,” suma pa sa Instagram post ni Fanny.

  Gipasabot usab niya kun nganong angayan ilahi ang mga karakter nila ni Narda ug Darna.

  “Si Darna kasi ay isang superheroine galing sa outer space ready to defend our mother earth from evil forces and she is manifesting through a rural girl on earth named Narda na pipilay-pilay at may bunsong kapatid na si Ding… Ginagamit lang ni Darna ang katawan ni Narda sa pamamagitan ng paglunok ng mahiwagang bato,” dugang pa niya.

 Tsika pa ni Fanny nga angayan kaayo si  Miss Universe 2015 Pia Wurtzbach mahimong  Darna, samtang haom usab kaayo kang  Kiray Celis ang role nga  Narda. (BANAT NEWS)