Brgy San Isidro, Talisay City
“Susihon unta sa mga polis ang problema sa ilegal nga drugas diri sa Sitio Isla Verde kay nisiaw na man og maayo. Dili gani ni matukhang kay delikado na.”
Brgy Lorega-San Miguel Cebu City
“Daghan man gihapong outlets sa illegal swertres diri sa among barangay, plastada kaayo ug wala man mahadlok sa kapolisan. Hain na ang giingon sa mga polis nga ilang hingusgan ang pagpanakop sa illegal gambling?
Brgy Pitogo, Consolacion, Cebu
“Naunsa na man intawon kining mayor diri nga wala man gyud makasulbad sa problema sa trapik. Moabot pa man og usa ka oras una pami makalusot diri sa lungsod.
Brgy Poblacion, Toledo City
“Ingon sila pangdakpon na ang tanang mga ilegal nga sugal, apan nganong kusog pa man kaayo ang masyaw diri ug wala man dakpa sa mga polis. Makaduda na man hinoon nganong nagmika ra sila.
Brgy San Roque, Cebu City
“Atensyon CCPO Station 3, ug kapitan namo diri sa barangay! Wala pa man gihapon masulbad ang problema sa illegal swertres ug illegal drugs diha dapit sa may Estero ug sa Mabini street. Basin og giprotehean kini sa mga polis mao nga wala dakpa.”
Brgy Tinago, Cebu City
“Nagkagrabe na man ang pagpamaligya’g shabu diri sa Silangan Uno unya mga menor de edad pa gyud ang mga gisugo sa pagpamaligya. Naa sad diri atbang sa opisina sa coast guard naay payagpayag nga gihimong suyopanan.”
Brgy Maharuhay, Medellin, Cebu
“Puwerte na gyud nga gubaa sa karsada diri ug lisud na kaayong agian sa mga sakyanan, labi na sa mga motor. Hangyo lang unta kaming mga nagpuyo diri nga atimanon unta kini sa mga opisyal namo sa barangay ug lungsod.”
Brgy Basak, Lapu-Lapu City
“Concern lang ko sa publikong tunghaan sa among lugar kay daghan gihapong mga adik diri. Nganong wala man kini sila matukhang sa mga polis? Ang among gikahadlokan kay kun makasuyop sila manglungkab og mga tindahan.”
Brgy Jubay, Liloan, Cebu
“Daghan gihapong sugal sama sa tigbakay, masiao, hantak ug baraha pero wala gyud dakpa sa mga polis. Manawagan unta kami nga mga molupyo diri nga molihok na among kapitan ug ang mga polis bahin niining problemaha.”
Brgy Catarman, Cordova, Cebu
“Naunsa na man kining among kapitan ug mga konsehal nga wala may aksyon sa mga reklamo batok sa iyang secretary ug treasurer sa barangay. May nahibaw-an kami nga may demand ang COA bahin ni sa problema sa kuwarta sa barangay niadtong 2015.”
Alang sa inyong mga reklamo, text lang sa 09326425494
- Latest
