Valentine’s Day ug death penalty

Dungan niining atong pagsaulog sa adlaw sa paghigugmaay, nagpadayon usab ang debate kun kinahanglan ba nga ibalik ang silot nga kamatayon, kon death penalty. Sa ato pa, atong gisagol, gi-mix pag-observe sa adlaw sa paghigugmaay ug pagpatay.

Sa House of Represenatives, may mga pasidaan nga kinahanglang mo-toe the line gayud ang mga Kongresista pagpalusot sa balaudnon nga mag re-impose sa death penalty, otherwise kinahanglang mo-resign sila gikan sa super political coalition sa House ug lagmit hukasan sila sa committee membership o chairmanship.

Sa ato pa, magpili ang mga Kongresista kun hain ang ilang palabihon, ang ilang mga prinsipyo ug conviction, ug ang political exigencies and survival. Ug kun supak sa death penalty ang ilang mga constituencies, ila kining i-ignore ug isalikway in exchange sa ilang pag-toe the line sa kagustoan sa leadership sa House.

Pipila sa mga Kongresista giingon nga wala magpadala sa hulga ug pasidaan sa House leadership, mi-stick it out sa ilang baruganan pagsupak sa death penalty. Usa kanila, ang atong Kongresista sa Cebu City North district Raul del Mar.

Sa iyang interpellation sa proponent sa death penalty, iyang gikutlo ang pamahayag ni Pope Francis pagsupak sa death penalty, nga matud pa, “death penalty is unacceptable,” nga bisan unsa ka grabe ang krimen nga mabuhat sa tawo,” it is an offense to the inviolability of life and to the dignity of the human person.”

Matud pa ang death penalty linuog nga paagi pagsilot sa criminal, “it is barbaric and antiquated,” ug gisalikway sa 105 ka nasud sa tibuok kalibutan. Sa laktod ang “death penalty is not a deterrent against crime.”

Meanwhile, Happy Valentine kanatong tanan!

* * *

Traffic! traffic! traffic! Problema sa tibuok nasud, ilabi na sa mga dagkong siyudad, sama dinhi sa atong Queen City of the south. Usa sa ilang solusyon mao ang paghatag og emergency powers kang Presidente Digong Duterte.

Laing solusyon mao ang pagpamahal sa prisyo sa mga sakyanan pinaagi sa pagpataas sa buhis niini. Sa ato, ilang i-discourage ang katawhan pagpalit og mga sakyanan.

Atong makita nga ang maong mga solusyon, magpasayon lang gyud sa atong gobiyerno, inay nga mangita sila’g more impact nga mga sulbad sa dili pag-deprive sa katawhan pagpanag-iya’g sakyanan.

Ang Department of Finance kusganong mopalusot sa ilang laraw pagpataas sa buhis sa mga sakyanan. Kini matud ni Finance Secretary Carlos Dominguez pagpamenos sa gidaghanon sa mga sakyanan sa kadalanan. Maoy gidangat.

Unsa man, ilang tak-opan ang mga nag-manufacture ug namaligya’g kotse?