Epipaniya
ENERO 8, 2017: Solemnidad sa Epipaniya sa Ginoo
Mga Pagbasa: Is. 60;1-6/Sal. 72/Ef. 3;2,3a-5-6/Mt. 2;1-12
Kun maghisgot kita og Epipaniya nagpasabut kini og pagpadayag. Ang Ginoo nipadayag sa iyang kaugalingon ngadto sa mga tawo sa nagkadaiyang mga kultura, pinulongan ug kagikan nga maoy gisimbolo sa tulo ka mga maalamon nga gikan sa sidlakan. Ang ilang mga halad bulawan, insenso ug mira mga simbolo sa pagkahari, pagkapari, ingon man sa mapait nga kasinatian sa pasyon tungod ug alang sa tawhanong kaluwasan. Nga ang Dios wala lang diha sa usa ka nasud hinunoa ang Dios anaa sa tanang mga tawo nga modawat kaniya. Ning atong panahon karon mahinungdanon kaayo nga mamahimo kitang abli alang sa usa ka dialogue ngadto sa laing denominations ingon man sa laing mga relihiyon kay kini man ang kabubut-on sa Dios nga ang tanan unta mamahimong usa kun Ut Unum Sint!
- Latest
