Mr. Barangay
Punta Engaño, Lapu-Lapu City
“Ngano man intawon ning among mga opisyal sa barangay, labi na sa mga tanod nga wala man kabadlong niining usa ka sibilyan nga magdaladala og armas sa publiko, unya kun tutokan ni siya manion dayon.”
Brgy Tabunok, Talisay City
“Concern lang gyud ko sa nagkagrabi nga trapik diri sa merkado ilawom sa flyover kay ang mga drivers sa tricycle, trisikad, haba-habal mag-iyahay lang og paugatay.”
Brgy Cantipay, Carmen, Cebu
“Diri sa among barangay naproblema gyud mi sa grabe kabaho sa tae sa baboy kay duol ra kaayo sa mga balay ang ilang piggery. Gireklamo na ni namo pero wala may aksyon ang mga opisyal sa barangay.”
Brgy Sambag 2, Cebu City
“Paita sa among kahimtang diri kay wa nay agas sa tubig. Ang ubang tawo makakuha man og tubig kay adto magbutang og hose direkta sa may kwentador pero dili man sila manghatag.”
Brgy Taloot, Argao, Cebu
“Nganong dakpon man intawon sa mga tanod kining naninda’g isda diri sa eskina? Makahugaw ug makadaot kuno sa turismo. Unsa diay ilang palabihon ang turismo o kaming mga tindera nga may gibuhi nga pamilya?”
Brgy Bagakay, Borbon, Cebu
“Naunsa na man intawon ning tig-supply og tubig sa among lugar nga human gyud sa eleksyon nikalit ra man ka wa’y agas sa tubig. Wala gyuy igong rason sa paghunong sa agas sa upland ug lowland nga kusog pa man unta ang agas sa wala pa ang eleksyon.”
Brgy Basak, Cebu City
“Hangtod karon wala pa gihapon masulbad sa taga barangay ang problema sa drainage system kay magsugwak man ang tubig gikan sa kanal nga maoy hinungdan sa baha diri sa among lugar.”
Brgy Sta. Rosa, Lapu-Lapu City
”Moreklamo mi niining karsada diri sa among lugar nga nahimo na lang "one lane" kay gihimo na man nga parking area sa mga sakyanan niining nagnegosyo diri sa amo. Luoy kaayo ang ubang mga driver kay maglisod na man pag-agi, unya kuyaw pa gyud sa disgrasya.”
Brgy Talamban, Cebu City
“Mag-roving sab unta ang mga tanod ug kapolisan matag gabii diri libot sa may simbahan kay naay mga batan-on nga makit-an namo nga mohimo’g law-ay nga buhat sa babaye ug lalaki. Anha pa gyud duol sa dagkotanan.”
Brgy Poblacion, Moalboal, Cebu
“Badlungon unta sa mga opisyal sa lungsod kining mga driver sa tricycle ug habalhabal nga magpatuyang lang pangayo’g subra nga plete sa mga pasahero panahon sa kagabhion. Imbes P25 ra ang plete himuon nila nga P100 kada tawo.”
Brgy Mactan, Lapu-Lapu City
“Awhagon namo ang mga polis ug mga opisyal diri sa barangay nga unta mahipos kining mga libod-suroy sa Mactan Shrine kay kusog na kaayo ang kinawatay diri sa among lugar ug sila maoy kasagaran nga suspek sa mga kawat.”
Alang sa inyong mga reklamo text lang sa 09156203998
- Latest
