Ang unang 10mins sa trabaho (1)

Sa mga empleyado ug sa nagkaugalingon og trabaho/negosyo, gikinahanglan nga kun buot kitang mahimong produktibo sa gibuhat o may maayong agi, mas maayo sulayan kining ipresentar nato nga kalihokan. Sa mga tawong produktibo nga malampuson sa ilang panarbaho ug mga pagsikaysikay o sa negosyo.

Kada adlaw sa unang 10ka minutos sa pagtangka sa trabaho, ipahiluna ang kaugalingon, nga mapuno sa enerhiya aron mahimo'ng epektibo'ng produktibo sa tibuok adlaw, nga maisugakod kahimut-an ang kadasig sa buhaton;

* Pagdayeg ug mapasalamaton — Mahimo nga mosulat ka'g 3ka butang nga angay mong dayegon ug pasalamatan ang kaugalingon. Ang pagtuon nga gihimo sa University of Miami, nagpakita nga ang tawong kanunay nagbaton og pagdayeg ug pasalamat , sagad nila mga malipayon, produktibo ug kugihan. Si Sheryl Tower nga usa ka propesyonal 'coach', matud sa libro niya'ng "The seeds of success"…ang tawong permi alisto/abtik, ganado, determinado, malaumon ug puno sa enerhiya, walay kapoy o 'stress' ug depresyon.

* Hapsaya ang lamesa — Sa opis sa di pa molingkod, ipahiluna ang lamesa nga wa magkayamukat ug hapsay napahiluna ang mga kinahanglanon. Aron way usik sa oras ug di ma-'stress' sa kayamukat nga talan-awon sa lamesa.

* Makighimamat sa kaubanan — Ang paghimamat o pagtinagdanay sa kaubanan, senyales sab ni's grupong mahimong produktibo. Aron dali sab sila makaabag o makatubag sa panginahanglan nga mas moepektibo o produktibo ka sa imong mga gitrabaho.

* Isulat ang 3ka prayoridad nga buhaton — nga humanon nimo ning adlawa. Aron mapokus ang ganti sa kakugi nga dili maestorbo sa ka bese sa mga trabaho-onon nga humanon gayud, segun sa gihan-ay nga prayoridad.