Unsay buhaton kun makunbikto

Dear Atty. Divine,

Ang akong manghod nag-atubang og kaso nga homicide. Kun pananglit siya makunbikto sa kaso nga gipasaka batok kaniya, mamahimo ba siya nga mo-apply og probation? Unsa may angayan namo nga buhaton kun mahukman siya nga sad-an? Daghang salamat. — Jessie

* * *

Dear Jessie,

Ang probation mamahimong mapahimuslan sa usa ka kunbiktado sa kaso kun ang silot nga gipahamtang kaniya dili mosubra sa unom ka tuig nga pagkabilanggo ug kausa ra kini mapahimuslan sa usa ka kunbiktado.

Kun mopahimulos siya og probation, dili na usab siya maka-appeal sa desisyon nga gipahamtang sa korte batok kaniya. Sa ato pa, kun makunbikto ang imong manghod ug ang silot nga ipahamtang sa korte subra sa unom ka tuig, then dili siya maka-apply og probation.

Ang maayo ninyo nga buhaton kun makunbikto siya sa kaso, unya subra sa unom ka tuig ang silot, mo-apelar kamo sa maong desisyon pamasin nga ma-reverse ang nahaunang desisyon. Thanks and God bless.- Atty Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.