Sa sayong kabuntagon

Usa sa mga nindot nga talan-awon sa sayong kabuntagon mao man ang baybayon. Dinhi sa Tabuelan, dili nako saypon ang pagsud-ong sa baybayon matag buntag sayo. Ang bawod sa lapyahan relaxing kaayo nga usahay hikalimtan ko ang sapot. Ning mga panahona, mas pilion ko pang mahilom na lang ug dili igkita. Kay diha sa pag-inusara mahimong magambalay ko ang akong mga laraw alang sa ugma nga wa pa moabot ug kun moabot nan maayo ug kun dili wala tay mahimo. Ang kinabuhi mubo ra angayan untang tagamtamon apan sa laing bahin angayan usab nga gamiton sa paagi nga husto ug makahuloganon. Sa sayong kabuntagon nahimong daw idlas ang banag-banag apan ang paglaum nga ikahibalag ang imong kahulogan maoy damgo dili lang nako kun dili natong tanan.