Mga remedyo sa barikos (3)

Mao ni ang ika-3 nga isyu mahitungod sa dagha'ng mga pambalay nga remedyo sa barikos. Hinuon  mas maayo nga inyong ipatan-aw sa doktor, basi'g aduna na kini mga komplikasyon sa panglawas mo. Ania pa'y dugang nga mga remedyo, nga matud sa mga eksperto, epektibo sab kini nga gamiton.

* Olive Oil — Pinaagi sa olive, makapatunhay kini sa maayong pagsirkular sa atong dugo. Imasahe kini sa apektadong parte sa lawas nga may olive oil, aron ang kaugatan, mopahawan sa kasayon nga kaagian sa dugo, nga may dala'ng mga nutrens o oxygen nga di mobagtok o mobara sa kaugatan. Tungod ini, dili na manghubag o manakit og mobalik sa normal kadtong mga ugat nga gibarikos. (1) Managsamang gidaghanon sa 'olive oil' ug 'vitamin-E', isagol nga initon sa  makadiyot ug imasahe sa barikos, sud sa pipila ka minutos. Buhata ni sud sa 1-2ka bulan. (2) Pwede sab magsagol og 4ka tulo (drops) sa 'cypress essential oil sa 2ka kutsarita sa olive oil nga gipainit kadiyot, nga mao'y imasahe.

* Garlic (ahos) —Maayo sa nanghuboy sa kasakit o sa sintomas sa panakit sa barikos. Mopahilis o mopulpog sa mga toksin o sa baradong kaugatan, nga mopaluag sa mga agianan sa dugo, nga mo-normal ang sirkulasyon sa dugo.

(1) Paghiwa'g 6ka lusok sa ahos ug ibutang sa sudlanan;

(2) Unya pagkuha'g 3ka orange nga pug-an sa duga isagol sa gibutangan sa hiniwa'ng ahos, nga pun-an sab og 2ka kutsara sa olive oil. Kutawa og pasagdi ni sud sa 12ka oras;

(3)Ighuman, yugyoga ang sudlanan dayon butangi ang kamot sa solusyon nga ihaplas nga pinatuyok ang pagmasahe, sud sa 15 mins;

(4) Dayon, pusta o bangani sa limpyong panapton nga pabuntagan;

(5) Buhata kini kada adlaw sud sa pipila ka buwan. Ang ahos mahimo'ng iapil sab permi sa imong mga pagkaon.

* Pag-ehersisyo ug nutrisyon, epektibong remedyo sab sa barikos.