60 ka tuig way kaligo

Tingali sa atong kaugalingon, usa lang ka adlaw nga di kita makaligo, mura'g mangatol na'ng kalawasan nato, di ba? Gumikan kini nga kada adlaw mamatyagan kita'g mga milyones nga selyula sa panit nga nahimong abog o buling. Nga sud sa pipila ka adlaw di ta kaligo, mas mobaga ang atong buling.

Tungod kini kay natandang permi sa kainit sa adlaw. Maingon man sa eksposyur sa makadaut nga kemikals. Hasta ang radisyon, nakatampo sa'g kadaut sa panit. Ang mga isog nga losyon o mga isog nga sabong permi gamiton. Labaw sa tanan, ang kakulang sa nutrisyon nga lig-onon ang imyun sa lawas.

Si Amou Hadji, nagpangedaron na'g 80 anyos, nga sukad pa sa 1953, mag 60 ka tuig na nga walay kaligo. Usa ni siya ka Iraniano, nga niadtong sa   batan-on pa, nakasinati og hilabihan nga kangutngot sa iyang emosyon. Ning maong  sitwasyon, nadisisyonan niya nga magpuyo na lang pahilayo sa mga tawo.

Sa taas nga panahong wa siya'y kaligo, nanimaho na ang lawas, nangliki nga nanga-ugkal sa kabaga sa buling ang panit nga nahimong yuta. Wala siya'y pinuy-anan, nga maghukdong ilawom sa pangpang o sa kinubkubang yuta o sa langob mopasilong. Na-imyun nang dili mokaon o moinom kun kini dili hugaw.

Mao'y paboritong kaonon niya ang mga patay sa manguyamangay’ng mga  insekto sa yuta, sama sa aluhipan, tren-tren, skorpyon ug uban pa. Ang kanunay sab niya'ng gihimong kalingawan mao ang pagpabuhot og aso sa iyang kwako, nga gisansana'g hugaw sa mga mananap (anus waste).

Matud ni Amou, maoy iyang gipalabi nga pilion, kini'ng istilo sa kinabuhi, nga moipon na lang sa yuta. Kun ihulagway mo siya sa hunahuna, imong makita ang kalawasan nga way kalainan sa basakan nga nangliki na sa kauhaw sa tubig. Wa siya mag-inusara, siya lay nabaniog nga kinadugayang tawong wa'y kaligo.