Ang ACV sa diabetes-II

Ang ACV, mao kini ang Apple Cider Vinegar. Gikan sa ‘nutrition.AUTHORITY’, matud pa, nga kini aduna’y daghan benepisyo alang sa atong panglawas sama sa hayblad, sakit sa kasingkasing, paubos sa timbang,‘disinfectant’ ug uban pang mga kapuslanan sama pagpanglimpyo ug uban pa.

Apan ang atong palapdan nga tukion karon, mao ang ACV, nasulayan na’ng epektibo alang sa mga masakiton og Diabetes-II. Mao kini ang usa sa sakit sa  atong panahon, nga daghan ang nag-antos ani’ng sakita karon sa kalibutan.

Ang ACV, makatabang sa pagmintin sa normal nga ‘bloodsugars’- pagkontrol sa insulin o sa way katakos sa pagprodyus og insulin. Hinuon, mabinantayon lang sa pagmenus sa pagkaon og ‘refined carbohydrates’ ug sa mga tam-is.

Ang ACV, duna’y dagha’ng benepisyo sa insulin nga kapuslan sa selyula nga mahimong inerhiya ug pagkab-ot sa normal nga lebel sa ‘bloodsugars.

* Ang pagkasensitibo sa insulin motaas sa 19-34 ka porsiyento sa oras nga dagha’g makaon nga ‘carbohydrates’. Og diha-diha sab, moubos ang ‘blood glucose’ ug ang pagresponde sa insulin. * Moubos ang ‘bloodsugars’ ngadto sa 34 ka porsiyento kun mokaon og 50 gramos nga ‘white bread’ o puti’ng pan.

Ang pag-inom og 2 ka kutsara sa ‘apple cider vinegar’ (ACV), sa dili pa matulog, makapaus-os kini sa oras sa pagpuasa (fasting) sa ‘bloodsugar’ ngadto sa 4 ka porsiyento. Daghan na’ng gihimo’ng mga pagsulay niini sa mga tawo ug ingon man sa mga ilaga, nagpakita nga kini nakadugang sa pagkasensitibo sa insulin ug makapaubos gayud sa ‘bloodsugars’, panahon sa tingkaon.

Tungod niini, napamatud-an nga ang ACV, makapaalibyo sa diabetes, ‘pre-diabetes’ ug sa uban nga gusto nga monormal ang iyang ‘bloodsugar’ sa unsa ma’y mga lain nga katuyoan.