Mga remedyo sa kidney
Dili lalim kun dunay kadaut sa atong kidney, kay pwerteng sakita ang mabatyagan sa pus-on nga morag gitusok sa dagom, labi na bation ta'g kaihion haskang makahilak ta sa grabe kasakit ini. Usa sa hinungdan ini, mao ang istilo nato sa pag-inom ug pagkaon. Diyutay ray inimnan sa tubig ug ampay ang parat
Si Dr. Eduardo T. Group, usa ka eksperto sa 'alternative medicine', misugyot og mga remedyo sa pag-alibyo sa sakit sa kidney, sama sa mga mosunod;
* Lemon juice/ Olive oil/ Apple cider vinegar — Gikonsiderar kini nga labing epektibo sa pagpahilis sa bato o hugaw sa kidney. Busa sa unang sintomas ini, isagol ang 2ka oz. nga olive oil ug 2ka oz. sa lemon juice.
Imna kini direkta nga patabanan og 12 ka oz. nga tubig ( 1-1/2 sa baso'ng tubig). Hulata o pataudtauri og 30 mins. Unya, pagpuga'g ½ sa lemon juice, ngadto sa 12 oz. nga tubig, dugangi og 1ka kutsarita sa apple cider vinegar, dayon imna kini. Buhata kini kada oras hangtud maalibyo ang panakit.
* Magnesium Orotate — 93% sad ni epektibo mopaalibyo sa kidney, ang pagtumar sa 300 mg, nga magnesium orotate, nga gibaligya sa botika.
* Organic Celery — Utanon kini nga naay daghang baligya sa mga malls o sa groserya. Mopalimpyo ug mosanta kini nga maporma ang bato sa kidney. Pwede imnon nga sama sa tsa o lapwaan o i-shake.
* Basil tea — Pag-inom ini sa tanang adlaw. Sulaye sab ang pag-inom sa 1ka kutsarita nga juice sa preskong dahon sa basil, nga sinagolan og dugos (honey), sud sa 6 ka bulan, aron mapagawas ang tanan gikan sa agianan sa ihi.
* Usba ang kinan-an mo — Maoy kanunay kaonon ang mga prutas ug utanon. Likayan ang himarat o pagkao'g 'junkfoods', mga softdrinks o makahubog nga ilimnon. Daghana ang pag-inom sa tubig kada adlaw.
- Latest
