P15T alang sa mga seniors

Nindot paminawon. Tiaw mo, dugangan og P3 mil ang atong P12 mil nga financial assistance gikan sa Cebu City government kay kuno daghan kaayo’g kwarta ang dakbayan gikan sa halin sa yuta sa SRP.

I thought dili kahilabtan ang halin, hangtod mahusay ang kaso bahin sa legalidad sa pagbaligya niini. Kun mahimo diay’ng gamiton ang halin pagpausbaw sa financial assistance sa mga senior citizens, ngano nga dili man magamit pagpa-implement sa mga proyekto nga nabutang sa supplemental budget no. 1?

Di ba mahimo nga ila kini nga lingkoran in a closed-door meeting ug ilang sabut-sabotan kun unsaon nila ang SB No. 1, nga sa buroka pa sa yuta, mag-extra judicial settlement sila, isip mga suloguon sa lungsod ug dili BOPK o Team Rama?

After all, gibutang sila diha sa katawhan, tungod ug alang man sa lungsod. Ngano nga maglalis man?

Anyway, kun magkasabot man, kining usbaw nga P3 mil, dili cash ang ihatag kondili, in the form of projects and services.

Kini sama sa pagbukas sa geriatric ward sulod sa government hospital, pagtukod og home for the indigent ug abandoned elderly, pagpamalit og tambal nga ihatag for free sa mga indigent nga masakiton, free consultation ug free hospitalization; free livelihood sessions & value formation seminars, pagpalit og seniors’ ambulance, pagtukod og seniors’ botika, pagpalig-on sa seniors’ cooperative, ug daghan pa. 

Ambisyuso ra kaayo? Dili mahimo? Kwentaha, P3,000 x 70,000 senior citizens, you get P210-million. Kadaghang kwarta niini, nga kapahimuslan sa tanan. So, dili cash nga dugang ang ihatag, kondili, services.

Ang Makati City, ambot kun ila na ba nga giusbawan ang P2 mil matag tuig nga cash assistance ngadto sa ilang mga senior citizens. Apan, daghan ang ilang mga services ug pribilihiyo sama sa free, as many movies as one can watch in a day; free treatment & hospitalization for qualified seniors; P3 mil nga burial assistance & P15 mil worth of memorial services including coffin; weekly visits by government physicians & nurses to bedridden seniors with free ambulance services when needed; etc., etc.

Sa ato pa, mas daghan ang makapahimulos nga angay magpahimulos sama sa mga   katigulangan nga wala nay kahinguhaan.

Ug kining gilaraw nga hatagan lang ta og lima ka adlaw pagkobra sa financial assistance inay 15 ka adlaw, niadtong dili makakobra sa adlaw sa pagpanghatag niiini, usa kini ka pagdaug-daog  kanatong mga senior citizens.

Magdugang lang ni sa kabug-at sa mga kakulian nga atong gipas-an karon.