Mga benepisyo sa ahos

Matud sa  ‘novel prize winner’ nga doctor si Arther Stoll, napamatud-an niya nga ang ahos, adunay dagha’g benepisyo, nga makapa-alibyo sa ubo, sip-on, kalibang, konstipasyon, sa baga-TB, neumonya, sa tutonlan ug uban pa.

Ang pagkaon sa ahos, makatabang sab sa problema sa sirkulasyon gikan sa kahinay ngadto sa kakusog sa presyur sa dugo. Makalimpyo sa kolesterol – sagad nga hinungdan sa atake sa kasingkasing kay barado ang mga arterya ini. Ang dugang pa’ng mga detalye nga kagamitan sa ahos, mao ni’ng mga mosunod;

* Ang regular nga pagtumar o pagkaon sa ahos, makasanta sa risgo sa atake sa kasingkasing. Kay permi man mamintin ang kalimpyo sa mga arterya.

* Mopataas sa lebel sa mga selyula sa puting dugo ug sa pulang dugo – nga kini nakatabang sab sa pag-ayo sa sakit nga anemia.

* Ang ahos mobabag ug mopulpog sab sa mga natibuok nga kemikal ‘compound’ sa lawas nga aktibong madebelop ngadto sa tumor o kanser. Ang ahos sa surbi nagpakita, nga ang nasud nga hingaon og ahos – lig-on ang ‘immune system’ sa mga tawo didto kay menus ray namatay sa kanser sa tiyan.

* Ang komon ron, sagad  nasubraan sa paggamit og ‘synthetic antibiotics’ mas maayo maoy gamiton ang ahos, nga usa ka ‘natural antibiotics’.

* Ang ahos, daku sab ang ikatabang sa adunay diabetes. Makapamintin kini sa normal nga ‘bloodsugar’- mopagana sa pancreas nga moprodyus og insulin.

* Usa ni ka pagkao’ng ‘anti-allergy’- makaayo sa hubak (asthma), hilanat, etc.

* Makalimpyo sa mga sistima sa tibuok lawas, sa mga toksik o mga hugaw.

* Makapagana sa seks kay moprodyus ni’g ‘nitric oxide synthase’ nga mao’y responsable sa pagpatuskig sa kinatawo, kini segun sa libro nga sinulat ni Peter Joshing nga mao ang…. ‘The complete garlic handbook’.