Ang matang gipiskat Unsa

Unsa ba kini'ng piskat? Mao kana'ng ang mata nga namula (red eye). Mosiaw kini, ilabi na sa panaho'ng ting-init. Tingali tungod kay mahubsan sa lubrikasyon ang mata, mao'ng managko ang mga pinong kaugatan sa kalimutaw, nga manghubag mao'ng pula tan-awon, nga sakit ug mangatol. Hinuon mawala ra man kini, nga magdepende sab unsa kahimsog ang mga mata mo.

Sagad gyud nga hinungdan ini, mao ang subra kakapoy, kanunay nga pagbutang og mga 'eyedrops', taas nga oras sa pag-atuba'ng sa kompyuter, mga allergy, ug pagtabako og marijuana. Unya ang mga sintomas ini, mao kana'ng dili na kaklaro sa panan-aw, grabe'ng panakit o kainit sa lawas, suwawan sa kahayag ug iritasyon sa sigi'g lugod sa mata.

Busa sulaye ni'ng panghupay nga mawala ang kakatol o panakit sa piskat;

* Pabugnawi nga may sulod ang 'icepack', nga ibutang ibabaw sa gipiskat nga mata, pasagdi sud sa 5mins. Himoa kini kaduha sa 1ka adlaw.

* Wiksi o sabligi (splash) og bugnaw'ng 'mineral water' ang namula'ng mata. 

* Pwede sab ipiyong nga ang ibabaw sa piskaton nga mata,  butangan og pinabugnaw nga hiniwa sa cucumber, nga pasagdan sud sa 15mins.

* Pwede sab maghumol kag 2ka 'teabag' sa tsa nga 'greentea' sa ininit nga tubig. Unya kuhaa ang 'teabag' ibutang sa ref. Kun mabugnaw na ang 'teabag', ibutang ni sa ibabaw sa mata'ng piskaton nga gipiyong. Pasagdi sud sa 15mins.

* Mas labi'ng makaayo ang katulog, nga ipahuway ang mata.

* Unya pwede sab patud-an sa dagok nga puti sa sanga o punoan sa mangagao. Epektibo ni sa gipiskat nga mga mata. Patabani'g inom sa linaga sa mangagao, para dali mokalma ang kakatol sa  iritasyon o impeksyon sa piskat. Unya, atimana ang mata mo sa pagkao'ng may abunda'ng sustansya sa mata.