Ang kahulogan sa kinabuhing gawasnon

Oktubre 11, 2015: Ikakawhaa’g-walo nga

Domingo   sulod sa tuig

Mga Pagbasa: Kin.7:7-11/Sal. 90/Heb.

4;12-13/Mk. 10;17-30

Usa ka tawo ang nangutana nako: Kun ikaw ang papilion asa man ang imong gusto? Pobre nga hayahay? o dato nga nagkalisud-lisud? Tulukibon ang maong pangutana. Apan tingali ang iyang buot ipasabot mao man nga mas maayo nga mamahimo kang kabus nga hayahay kaysa mamahimo kang dato apan nahimong nagapos sa imong kalibutanong bahandi nga tungod niini malisud alang nimo ang pag-enjoy sa kinabuhi. Nahigtan ka, nadaut ka. Dili babag sa kinabuhing espirituhanon ang pagbaton og bahandi apan sa laing bahin mahinungdanon usab nga gamiton nato bisan asa ug sa bisan unsa ang mga butang kalibutanon alang sa kahimayaang Diosnon.