Acceptance therapy

Gihatagan ko ni Mrs. Vilma Lee og librito nga Acceptance Therapy ug unsa man ang iyang tumong ug tuyo seguro ko nga ang maong librito magamit dili lang alang sa wali kondili tingali alang usab sa akong kaugalingon. Ug pagkagabii niana, ako nagmisa sa namatay nga Lay minister sa parokya sa Capitol. Kaila gyud ko kaayo sa maong lay minister kay kini man ang akong kuyog kuyog usahay kun ako magmisa. Gawas pa kaila pud ko sa iyang anak kay ako mang kuyog usab sa pundok sa mga usherrettes nga akong namugna. Namatay ang maong lay minister tungod sa Cardiac Arrest. Nidangoyngoy ang bata ingon ang iyang pamilya. Wala koy laing naingon gawas sa pulong nga: PAGDAWAT ning maong kahimtang. Kay bisan pa man kun malisud apan sa kinabuhi walay molungtad nga sa ato pa, walay forever. Ug dinhi nako nakita ang bili sa maong librito ug ako kining basahon basin matugkad ko pa ang kahulogan ug bili sa acceptance therapy.