Ang ulo nga ka-opawon (1)

Kun ugaling ang buhok mo, maihap na lang ang lugas ini nga  medyo ka-opawon apan may timailhan pa'ng katubo-an unya wala pa mosinaw ang bagulbagol sa kahamis, aduna pa'y purohan nga mahibalik ang kalabong sa buhok mo. Sa karo'ng panahona daghan na'g nadiskubre nga natural nga remedyo sa pagpatubo o pagpabaskog pagbalik sa tinuboan sa nagka-opaw nato'ng buhok.

Ang puhonan lang ini nga seguro kini moepekto, mao ra gyud ang seryoso nga pagsulay. Obserbahan kun unsa'y mas dali o nauyonan nga epektibo, sa mga mosunod nga mao'y sulbad sa atong problema sa buhok, sama niini;

* Tuno sa lubi ug ang lana ini —sagola pag-ayo ang 20ml nga lana sa lubi ug ang 2ka kutsarita sa duga sa lemon (lemon juice). Unya ipahid o butangi ang bagulbagol nga imasahe pipila ka minutos, inighuman pasagdi sud sa 20mins. Dayon hugasan o mag-baby shampoo nga banlawan sa inadlaw nga tubig. Paugha kadiyot, unya balika sa pagmasahe ang bagulbagol nga gibutanga'g tuno sa lubi nga igo nga mabasa nga di modaligdig. Pasagdi hangtud mauga, seguroa nga salaon ang tuno para di hugaw tan-awon. Aron mataudtaoran og maayo, buhata ni kana'ng dugay kapa'ng molakaw, aron motuhop pag-ayo ang nutrens, sa dili ka pa maligo. Ang regular nga paghimo ini, makapanormal ni's pagtubo.

* Masahean permi sa lana sa lubi o sa lana sa oliba (olive oil) — Makapabalik ni sa normal nga pagtubo sa buhok. Maabli pagbalik nga dili na  mapikot ang tinugkan sa buhok (hair policles) kay abunado na ni sa protina o sustansya, diin pahimsugon ang mga buhok sa pagtubo. Pwede na ang 10-15mins. nga pagmasahe sa bagulbagol, dayon mag-baby shampoo ug hugasan. Ang paghimo ini kaduha ka beses sa semana sud sa 3-4ka bulan, makita na ang resulta. Ipadayon kini hangtud nga molabong ang himsog mo'ng mga buhok.