Disiplina sa kaugalingong galamhan

 Usa sa akong gidayeg nga personahe sa Western Monasticism mao man si San Benito sa Nursia kon Saint Benedict of Nursia. Kini kay ang iyang pagtulon-an labina kun maghisgot kita og mortification balanse man kaayo. Dunay tukmang panahon sa pag-ampo, sa pagtrabaho, ug sa pagpahuway. Unlike sa mga Egyptian Monks nga nipahimug-at pag-ayo sa extreme mortification. Ning atong ebanghelyo karong Domingoha diin ang atong Ginoo nipahimug-at sa pagdisiplina sa atong mga galamhan labina sa atong galamhan nga maoy hinungdan sa atong pagpakasala. Ning paagiha, GIDAPIT kita sa atong Ginoo nga sa matag higayon nga kita mogamit sa atong galamhan atong hunahunaon kun kini makaayo ba kanato o dili ba? Hinumdomi, kita mga rational beings ug kay mga rational man, kita dunay dakong kahigayonan sa paghimo sa angayan natong pagahukman… kay mag-unsa man kun maisip natong kumpleto ang atong panglawas apan masugba sa impiyerno ang atong kalag?