Ang kalag ug necromancy

Nahimong kabahin sa mga past time sa mga batan-on ang pagduwa og Spirit of the Glass ingon man ang pagsangpit sa mga kalag. Usa sa mga gipasiatab sa mediumship nga mentalidad mao nga himoon nilang pasultihon ang kalag pinaagi kanila. Labina kun anaa na sila sa Trance Possessed State.

Ang kalag ang mosulod sa lawas sa medium uban ang tinguha nga mapadayag niya ang iyang tuyo labina kun maghisgot kita og mga unfinished business.  Sa laktod ang maong balansayon sa Necromancy ang anaa na sukad pa kaniadto. Apan mahinungdanon kaayo nga ang kalag dili angay nga tugawon tungod lang sa kaboang sa mga buhi. Ang kalag angay nga tahuron ug dili himoong object ning mga weird ug creepy nga balansayon sa Necromancy. Kay mahimong kini sakyan sa mga demonyo nga naglibot kanato.