Ang food chain crew

Septiyembre 6, 2015: Ikakawhaa’g tulo nga Domingo sulod sa tuig

Mga Pagbasa: Is. 35-4-7a/Sal. 146/

San. 2;1-5/Mk. 7;31-37

Usa to ka gabii sa dihang dunay maanyag nga babaye nga miduol kanako tingali aron mangutana. Apan sa dihang iya kong giduol, igo lang siyang misinyas. Amang diay tawon. Maayo kay nakasabot ko gamay sa iyang senyas ug salamat sa mga buotang parokyana nga mibuluntaryo sa paghatud niya sa Sacred Heart Center alang sa Christmas Party niadtong higayona. Lisud kaayo kun ikaw amang o bungol kay nahimong nababagan ang imong normal nga pakigkukabildo sa imong kinabuhi. Sa dihang giayo ni Jesus ang bungol ug amang iyang gihimo nga madugtong ang kalibutan sa maong tawo sa naandang kalibutan. Nga sa ato pa, ang maong tawo mas masabtan na sa mga nagpalibot niya ug siya mismo ang makasabot usab sa mga panghitabo sa iyang palibot usab. Ingon ini usab ang kinabuhi. Mahinungdanon kita mosulti ug diha sa maong pagsulti maantigo kitang maminaw. Ug mamahimo kitang makapaminaw kun maantigo kitang mohilom.