Mga pagkaong makapabatan-on (3)

Ania pa’y duga’ng pagkaon nga makapabatan-on ug mohimsog pa, sama sa mga mosunod, nga angay kaonon ang tanan nga ginagmay o igo lang.

* Turmeric - luy-a’ng yellow o dulaw ni nga kun isagol sa ‘black peppers mas 1000 ka beses ni ka potensyal ang iyang ‘curcumin’ tungod sa kahalang sa ‘hot pepper’ nga ‘piperine compound’, matud ni Stacy Kennedy, nutritionist sa Dana Farber Institute of Cancer.

* Avocado – 1/2 - ¼ sa tasa sa avocado, 2 ka beses sa semana, igo na makasanta sa dauta’ng kolesterol sa lawas. Dasok sa Vit-B, nga makatabang sa pagpaubos sa ‘homoscysteine amino acid ’ nga  mobara sa mga agianan sa dugo.

*Blueberries – potensyal kini’ng prutas nga makatabang sa dagha’ng mga kakulian sa kahimsog sa panglawas, gikan sa cancer hangtud sa kadaut sa kasingkasing. Matud ni Ryan Andrews, direktor sa Precision Nutrition of Canada. Nagbaton ni’g daghang ‘antioxidants, dasok sab ni’s fiber ug Vit. A,C. Ang ‘acai berry’ lang ang mas adunay katakos  nga makapugong sa mga ‘free radicals’. Ang 1ka tasa niini ang igo na kada adlaw ug pilia na’ng ‘wild specie berries’, kay aduna ni dugang pa’ng 26 ka mga ‘antioxidants’.

*Green Tea – ang pag-inom ini sa 1-6ka tasa kada adlaw, makasanta na kini sa ‘skin cancer’ ug mopahimsog sa kasingkasing ug mopamenus sa risgo sa uban pa’ng klase sa kanser.

*Dark chocolate – mas maayo kaonon ang puro cacao nga tsokolate o imnon ang sikwate. Mopalambo sa agianan sa dugo ngadto sa atong utok. Ang ‘flavanols’ niini makapanindot sa panit nga mopalig-on batok sa kainit sa adlaw. Ang 1ka ounces ini, igo na nga maangkon ang tana’ng mga benepisyo, nga sa uban, mao ni ilang sekreto nga bisag edaran na mora gihapon og batan-on.