Ang theory of accommodation

Niadto ko sa Saint Pauls may Jones sa pamasin nga makakita ko og libro nga nindot basahon. Tuod man, nakakita ko gikan sa panulat sa usa ka Clinical Psychologist nga pari nga si Fr. Sabathu. Ang iyang libro naghisgot kalabot sa Psychological Approach sa Exorcism. Gitawag kini niya og Psycho-Exorcism. Kabahin sa hilisgutan mao man ang Theory of Accommodation. Matud pa nga igo lang gi-reinforce ni Jesus ang ignorance sa mga Judio ingon man ang ilang prevailing beliefs kalabot sa mga espiritu. Nga sa ato pa, nahulog lang nga Psychological lamang ang tanan. Apan sa laing bahin, nahimong amazing kaayo kun nganong hangtud karon ang ubang mga psychological ug physical maladies ang pagaisipon man nga lisud tugkaron sa siyensiya ug nganong mawala ra man kun gamiton ang command method sa paghingilin sa maong balatian. Ug kun dunay gi-accommodate ang Ginoo dili ang ilang kaignorante o ang prevailing belief. Hinunoa timaan kini nga ang Diosnong gugma sensitibo sa panginahanglan sa uban.