Corruption

"I want to reaffirm that this nation will get rid of corruption. We can rid the country of corruption, we have to start from the top."

Familiar kaayo nga pakigpulong. Puol nang paminawon. Gipamulong kini sa tanang Presidente sa nasud in an effort to eradicate production. Apan, dili kini pakigpulong ni Presidente Noynoy Aquino, nga sama sa nag-una natong Presidente, buot usab nga mapitol ang corruption.

Pakigpulong kini ni Prime Minister Narendra Modi sa India, nga atong mahulagway ang susama natong kahimtang kun corruption nay hisgutan. Si Modi, maminaw ta niya, mao ra pud og nakigsulti siya kanato. Buot usab niya ipatuman ang "daang matuwid" didto sa India.

Sama kanato dinhi, buot usab nilang santaon ang corruption ug adto sila magsugod sa itaas, sa ato pa, magsugod sa atong mga leader, kay tua magsukad ang corruption … sa mga nagtungkaro sa Malacañang, sa mga cabinet secretaries, sa Kongreso, sa kadagkuan sa military, ug ubang naghupot og dagkung katugdanan sa gobiyerno.

"Corruption is like a termite, it spreads slowly, reaches everywhere, but it can be beaten with timely injections," dugang ni Modi. Mao usab kini ang nahitabo sa atong  nasud nga gikutkot nag maayo sa anay.

Apan, masanta da kini kun ang mosunod nga Presidente mopadayon sa tumang kamatinud-anon sa mga reforms nga karon gisugdan sa present administration. Kining giingon ni Modi nga "timely injections," mao kini ang political will sa pamunoan pagsanta, once and for all, sa corruption.

Mahimo usab nga ang umaabot nga presidential elections maoy atong gamiton pag-injection sa corrupt nga mga opisyal nga buot mopungko sa Malacañang. Busa, this early, ilha ug suhitohang daan ang buot magpapili pagka-presidente, aron makasugod kita pag-injection sa anay o termite of corruption nga maoy nakaingon sa pagka-sangkiig sa atong nasud.

"Corruption has to be removed from the system," panapos pamahayag ni Modi. Mao usab kini ang atong buhaton dinhi sa atong nasud nga dugay nang naulipon sa gaway sa corruption.

Ug sa ako nang giingon, ato ning sugdan karon pinaagi sa pagpili unya sa tawo nga magbaton og igong  kaisog pagsumpo sa corruption; tawo nga wala ma-perceived ug wala gayud maduhig sa corruption.

* * *

Ang United Nations World Food Program nabalaka nga maapiktohan unya ang food production sa mas grabe nga El Niño phenomenon nga gikahadlokan nga molungtad hangtud pa sunod tuig. Di ta mokompiyansa sa pag-uwan-uwan, kay ting-init gihapon. Let's brace for it.